Dave Stewart besoek Carnarvon

Dave Stewart het saam met baie bekendes in Carnarvon rugby gespeel soos my pa, oom Johny , my skoonpa en nog vele meer.  Daarna het hy  sy Springbok klere gekry, ek glo dit was 'n groot opgewondenheid in Carnarvon veral as ek hoor hoe gons almal oor Willie le Roux.
My pa het Dave Stewart dae in Carnarvon gehou en Springbokke soos Danie Gerber, Groot Schalk, Rob Louw   het Carnarvon besoek vir 'n groot rugby dag.

Ons nooi toe 'n paar van sy vriende soos oom Johny, tannie Elsa, Gys , Piet en Charmaine  vir 'n heerlike kuieraand by my ma se Gastehuis en het almal baie lekker gekuier

Die spyskaart wat ek voorgesit is as volg:

Sampioen sop
Broccoli en Peer sop ( by Marie Vorster gekry en almal is gaande daaroor)

Hoender en Sampioen Souttert
Salami en kaas tert met caramel uie
Gerookte snoek en soetrissie tert
Tuisgebakte brode
Brood gevul met songedroogde tamaties en olywe
Tuisgebakte broodrolletjies

Mini rooifluweel cupcakes
Rumballs
Skuimpies

 

Hoender en sampioen Souttert

 



Bestandele:

1 ui gekap
15 ml olyfolie
250 g ontbytspek , gekap
1 heel hoender, fyngemaak
1 houer sampioene , gekap
500 ml gerasperde cheddarkaas
vars pietersielie, gekap
125 ml koekmeelblom
5 ml bakpoeier
sout en peper na smaak
3 eiers
190 ml melk
5 velle fillo deeg


Metode:

Voorverhit die oond tot 160 grade
Verf die fillo velle een vir een met gesmelte botter en pak opmekaar
Voer gesmeerde tertbak uit met die velle
Braai die ui en bacon en voeg sampioene by
Voeg die mengse by die hoendervleis, kaas, pietersielie, koekmeelblom , bakpoeier en sout en peper.
Klits die eiers en melk saam , giet oor die hoendermengsel en meng deeglik.

Skep die mengse in die bak en versprei eweredig
Bak vir 20 minute of tot fillo deeg goudbruin is en sit daarna tinfoil liggies oor vir 'n verdure 25 minute.