Saterdag 29 Junie

Wat 'n heerlike dag in die veld saam met die familie - Piet en Charmaine het vir hulle lammersterte  en wors gebraai met tuisgemaakte roosterkoeke wat die Kapenaars baie geniet het .  Laatmiddag het almal weer teruggekeer dorp toe waar die Stormers en Cheetah begin speel het.
Halftyd was die manne honger en die volgende Spyskaart het ek voorgesit

Gevulde Lamsboud met kruie en maalvleis
Gerolde Hoender met feta, spinasie en bacon
Gemsbokpastei
Gebraaide aartappels
Soetpatats met anys sade
Gemengde groente op Koes-koes met tamatie smoor

Die Poeding was Klam Sjokolade koek

                                                       Klam Sjokolade koek

Bestandele:

1 k koekmeel
60 ml kakao
250 ml suiker
2 ml sout
10 ml bakpoeier
125 ml kookolie
125 ml kookwater
4 eiers geskei

Stroop
180 ml ideal melk
125 ml suiker

Bolaag
100 g donkersjokolade
60 ml ideal melk

Metode:

Voorverhit die oond na 180 grade
Klits kookwater en olie goed saam
Sif die droebestandele
Skei die eiers
Meng die eiers, vloeistof en droe bestandele goed saam
Klits eierwitte styf en vou in

Skep in 2 ronde koekpanne
Bak vir 25 - 30 minute

Berei solank die stroop voor
As die koek uit die oond kom prik 'n paar gaatjies en gooi dadelik stroop oor
Laat afkoel in die pannetjies en haal dan uit

Smelt sjokolade en idealmelk vir die bo-laag en smeer oor koeke
Krummel Flake bo-oor

Baie, baie lekker